 |
 |
 |
 |
 |
 |
 |
 |
 |
 |
 |
|
|
|
Axuda a Malawi
|
 |
Reproducimos unha carta chegada á nosa web, do equipo de catequistas de Vilalba:
Benquerido/a amigo/a:
Queremos comentarche un tema que está a preocupar na nosa Unidade pastoral..
Leva unha
temporada longa entre nós, Mª José Carrasco, natural desta vila,
misioneira carmelita en Malawi (Africa). Ela está pasando unha temporada coa súa
familia, e recuperándose dunha enfermidade contraída aló. Hai uns días recibiu
unha carta ben preocupante das súa comunidade e dos colaboradores seus no
hospital que dirixe en Malawi: unha nova e extraordinaria “fame” volve
asola-lo país e a zona onde está. No ano 2002 xa outra asolara o país de
xeito devastador, e tres anos máis tarde, repítese a historia. Durante un tempo
tiveron abastecemento suficiente de comida, que venderon a un prezo baixo e
agora carecen do máis necesario para vivir.
Este é o motivo polo que che mandamos este mail. Estamos a buscar fondos de axuda para mandar a Malawi (fundamentalmente cartos cos que poder mercar comida). Sabemos que son moitos os frentes que no mundo e na Igrexa reclaman a nosa colaboración, pero, como tantos outros, este problema non sairá nas cadeas de TV, na prensa nin na preocupación dos políticos: irase minando a poboación, e os que están alí partiranse o lombo tentando ofrecer unha axuda.
Se queres colaborar, ponte en contacto connosco; dá a coñecer isto que estamos a facer, coméntao coa xente que coñezas,... todo aquilo que creas poida ser bo para axudar alí, será benvido. É verdade que posiblemente non solucionemos nada, pero aquí non vale iso de: “ojos que no ven...”
Podes mandarnos un mail a este enderezo: tupuedeshoy@yahoo.es concretando a túa aportación, e así xa che dicimos como facelo.
Máis nada, recibe un cordial saúdo, e que este novo ano que imos comenzar, traia o mellor para todos.
Grupo de catequistas de Vilalba
